News – abodetidings

Benshi mu bakurikira imyidagaduro y’u Rwanda bibuka umwana witwa Karyuri wamamaye ku mbuga nkoranyambaga mu myaka mike ishize kubera impano ye yo kubyina.

August 25, 2026 by abodetidings

Umusore ugiye kurongora Nana Nadine yafashe irembo
Umusore ugiye kurongora Iradukunda Nadine, umaze kubaka izina muri sinema y’u Rwanda nka Nana Nadine, yafashe irembo iwabo w’uyu mukobwa.
Mu mpera z’iki cyumweru gishize nibwo uyu musore yagiye gufata irembo kwa Nana Nadine, nyuma yo kumwambika impeta amusaba kuzamubera umugore, mu gikorwa cyabaye ku wa 15 Nyakanga 2026.

Mu butumwa yaherekesheje amafoto yasangije abamukurikira ubwo yambikwaga impeta, Nana Nadine yagize ati “Ntangiye ubuzima bw’iteka ryose ndi kumwe n’umugabo umutima wanjye wari umaze igihe utegereje.”

Kuva yakwambikwa impeta, uyu mukobwa ntiyashatse kugaragaza imyirondoro y’umusore wigaruriye umutima we, ndetse bitegura kurushinga mu minsi iri imbere.

Nana Nadine ni umwe mu bakinnyi ba filime bagezweho mu Rwanda. By’umwihariko, yakunzwe muri filime zirimo City Maid, Maya, Hurts Harder n’izindi nyinshi zatumye izina rye rirushaho kwamamara.

Mu mezi ashize, Nana Nadine, wari umaze kuzamura izina rye muri sinema y’u Rwanda, yatangiye gukora filime ye bwite yise Stain.

Iyi filime igaragaramo abakinnyi barimo Saranda Mutoni, Irakoze Ariane Vanessa, Shemaryimanzi Dylan, Kayonga Tessy n’abandi banyuranye.

Polisi y’u Rwanda yifashishije drone ita muri yombi abantu 73 bo mu Karere ka Kayonza barimo abatekaga kanyanga ndetse n’abacukuraga amabuye y’agaciro

May 20, 2026 by abodetidings

Batatu batawe muri yombi bakekwaho gukubita umuturage agapfa mu bugesera

Abaturage batatu bo mu Karere ka Bugesera mu Murenge wa Ntarama batawe muri yombi n’inzego z’umutekano nyuma yo gukubita umugabo w’imyaka 40 bakekaga ko ari umujura bikamuviramo urupfu.
Ibi byamenyekanye mu ijoro rya tariki ya 18 Gicurasi 2026 aho byabereye mu Mudugudu wo Kurugenge mu Kagari ka Kanzenze mu Murenge wa Ntarama mu Karere ka Bugesera.

Umuvugizi wa Polisi y’u Rwanda mu Ntara y’Iburasirazuba, SSP Twizeyimana Hamdun, yabwiye IGIHE ko aba baturage batawe muri yombi nyuma yo gukekwaho ko inkoni bakubise umugabo bitaga umujura ari zo zamwishe.

SSP Twizeyimana yagize ati “Tariki ya 18 Gicurasi 2026 ahagana saa kumi n’ebyiri z’umugoroba hari abantu bateze umugabo afite ibiti by’imishoro kubera ko bakekaga ko ari umujura baramukubita, babonye asa nk’urembye bamujyana iwe bamujugunya ku irembo, byageze saa Yine z’ijoro umuryango we uhamagara Polisi bayimenyesha ko yitabye Imana, dukurikiranye amakuru dusanga hari abamukubise bose twabafashe tubashyikiriza RIB, ubu bari gukorwaho iperereza.’’

SSP Twizeyimana yakomeje avuga ko bibabaje kuba muri iki gihe hari abantu bagitekereza kwihanira, yibutsa buri wese ko nta muntu wemerewe kwihanira ko hari inzego zibishinzwe kandi ziri hafi ya buri muturage.

Ati “ Abantu bakwiriye kwirinda ibikorwa by’urugomo bivamo imfu, niba hari umuntu ukekaho ubujura cyangwa ibindi byaha abantu nibirinde kwihutira gukubita ahubwo bamushyikirize inzego z’umutekano akurikiranwe mu mategeko. Iyo umukubise bishobora kumuviramo urupfu nawe ugafungwa. Polisi n’izindi nzego barahari ngo babafashe.’’

Kuri ubu aba baturage batatu bafungiye kuri Sitasiyo ya RIB ya Nyamata mu gihe iperereza rikomeje ngo baryozwe iki cyaha bakoze. Umugabo bikekwa ko yishwe n’inkoni yari asanzwe afite umugore n’abana.

Rusine Patrick, usanzwe akora kuri, Kiss FM, ageze kure imyiteguro y’igitaramo Inkuru ya Rusine’ agiye gukora ku nshuro ya gatatu.

March 14, 2026 by abodetidings

Basabye imbabazi; Yampano n’umugore we biniguye nyuma yo gusakaza amashusho batera akabariro

Umunyarwanda yaravuze ngo uvuga aba atarabona, none uwabonye na we yafashe umwanya aravuga! Yampano n’umugore we biniguye bavuga akantu ku kandi ku buzima bari bamazemo iminsi nyuma y’uko hasohotse amashusho yabo bari gutera akabariro.

Mu minsi ishize ku mbuga nkoranyambaga hasakajwe amashusho ya Yampano n’umugore we bari gutera akabariro ndetse kugeza ubu hari abakurikiranyweho kugira uruhare mu kuyasakaza.

Nyuma y’igihe bari guca mu bihe bemeza ko bitari biboroheye, Yampano n’umugore we bashyize bavuga buzima bari bamazemo iminsi.

Kuba amashusho yabo yaragiye hanze nicyo kintu kibi cyababayeho mu buzima bwabo

Mu mashusho basangije ababakurikira, yaba Yampano ndetse n’umugore we bavuze ko mu by’ukuri ikintu kinini bahuye na cyo cyanabagoye mu buzima ari amashusho yabo yagiye hanze bari gutera akabariro.

Aha Yampano yagize ati “Hari ibyago byatugwiriye nk’umuryango bitubaho ku bw’abantu, navuga ko mu buzima bwanjye ari cyo kintu nahuye na cyo kitari cyiza, ntanitegaga. Ariko buriya buri kintu cyose kibaho ku bw’impamvu gusa navuga ko buri kintu cyose umuntu acamo aba ari ishuri, biba byiza iyo amasomo yawe uyanyuzemo neza ugatsinda.”

Ku ruhande rw’umugore wa Yampano na we ahamya ko kujya hanze kw’amashusho ari gutera akabariro n’umugabo we ari cyo kintu kibi cyamubayeho kuva yabaho.

Ati “Ikintu cyambayeho kikambabaza cyane ni ukubona amashusho yacu ari hanze muri rubanda, byarambabaje cyane.”

Byari ibihe bibakomereye

Muri iki kiganiro, yaba Yampano n’umugore we bemeza ko byari ibihe bibakomereye icyakora bashimira Imana yabarinze ibaha imbaraga zitumye n’uyu munsi bakiri kumwe kandi bakomeje urugendo rw’urukundo.

Vava, umugore wa Yampano yavuze ko byari ibihe bibakomereye ariko byatumye babana hafi kugira ngo babikomeremo cyane ko uretse umutima ukomeye ikintu bari bakeneye ari abantu bababa hafi.

Ku bwa Yampano we yemeza ko nubwo byabaye nk’ibijegeza urukundo rwabo ariko rutigeze rusenyuka kuko bakomeje gukundana kugeza ubwo n’uyu munsi bari kumwe nk’umugore n’umugabo.

Ati “Tumaze gushorwaho izo ntambara twasanze ari ibintu bitureba twebwe ba nyirubwite dushyira hamwe turasenga birushaho kugenda neza.”

Umugore wa Yampano we ahamya ko ikintu cyamufashije kugumana n’uyu muhanzi ari uko hagati yabo hari urukundo kandi ikintu kiri mu muntu ntaho kijya.

Ati “Ikintu kikurimo ntaho kijya, icyo wahuriramo na cyo cyose, ibigeragezo byose mwaba muri gucamo wa muntu n’ubundi aguhora ku mutima. Ariko kandi bisaba umutima ukomeye wa mugani Imana igucisha mu kigeragezo uzabasha gucamo kuko iyo bitaba ibyo umwe aba yarapfuye cyangwa yaragize ikibazo runaka. Byansabye kwihangana cyane, gutuza no kwirinda kumva amagambo hirya no hino.”

Uyu mugore ahamya ko bitari bimworoheye ariko nyine kugira umutima ukomeye ari byo byabafashije gukomera.

barasaba imbabazi imiryango yabo

Yaba Yampano n’umugore we yavuze ko byari ibihe bibakomereye icyakora byagera ku gutekereza uko imiryango yabo ibyakira bikarushaho kuba bibi.

Iyi ni na yo mpamvu muri iki kiganiro bafashe umwanya munini wo gusaba imbabazi imiryango yabo, babizeza ko ibyababayeho ari nk’impanuka yabagwiririye kandi biteguye kubirenga.

Icyakora nubwo bari bahangayikiye imiryango yabo, bashimira Imana ko itigeze ibata cyangwa ngo ibatererane.

Yampano yagize ati “Umuryango wanjye uranzi, bazi ibyo nakora n’ibyo ntakora. Ikintu cyabayeho kimeze nk’isuri nkuko waba wubatse inzu isuri ikayitwara. Iyo bibaye umuvandimwe icyo akora ni ukugufasha ntabwo abavandimwe bajya bashungera.”

Umugore we ati “Njye ntabwo byari byoroshye cyane ko tugendeye ku muco n’indangagaciro z’umukobwa, ntabwo nari kwisobanura […] nanjye ubwanjye nkibibona nahise ntekereza abo mu muryango wanjye.

Bidasubirwaho itegeko rigenga umuhanda mu Rwanda ryavuguruwe, Utwaye yanyoye ibisindisha azafungwa amezi atatu: Ibihano bikarishye ku batubahiriza amategeko y’umuhanda

March 12, 2026 by abodetidings

Menya uko imihanda izakoreshwa mu gihe cy’inama ya ICASA itenganyijwe mu Rwanda.

Polisi y’u Rwanda yatangaje zimwe mu mpinduka zizagaragara mu ikoreshwa ry’imwe mu mihanda yo muri Kigali mu gihe u Rwanda ruzaba rwakira inama mpuzamahanga yiga kuri virus itera agakoko ka Sida (ICASA).

Iyi nama izitabirwa n’abagera ku 10 000 ndetse ikaba n’imwe mu zihuza abantu benshi muri Afurika biga kuri virus itera agakoko ka Sida n’izindi ndwara zandurira mu mibonano mpuzabitsina izatangira imirimo yayo ku wa 2 Ukuboza igeze ku wa 7 Ukuboza 2019.

Mu rwego rwo kwakira neza abazayitabira no kwirinda akavuyo k’imodoka mu muhanda, Polisi y’u Rwanda ibinyujije kuri Twitter yashyize hanze itangazo rikubiyemo impinduka mu mikoreshereze y’imwe mu mihanda yo muri Kigali.

Iti “Turabamenyesha ko mu rwego rwo korohereza abazitabira inama mpuzamahanga, ICASA2019Rwanda, izakirwa mu Rwanda kuva 02-07/12/2019, umuhanda uva ku Kabindi unyura KBC ugakomeza Kigali Heights ujya Remera uzajya ufungwa mu masaha y’igitondo kuva 07:00h -10:00h.”

Polisi y’u Rwanda yatanze ubundi buryo ku basanzwe bakoresha uyu muhanda.

Iti “Abasanzwe bakoresha uyu muhanda bajya cyangwa bava mu cyerekezo cya Remera turabasaba gukoresha umuhanda wa Kanogo – Rwandex – Sonatube. Abagomba gukoresha uyu muhanda bazajya banyura munsi ya KBC batageze kuri rond point. Tubasabye kwihanganira izi mpinduka. Murakoze.”

Iyi nama izabera muri Kigali Convention Centre izitabirwa n’abantu baturutse mu bihugu 150 byo hirya no hino ku Isi barimo, abakora ubushakashatsi, abanyeshuri, abarimu muri za Kaminuza, abaganga, abakora mu by’imiti ndetse ndetse n’abanyacyubahiro batandukanye barimo abakuru b’ibihugu 5 n’abafasha b’abakuru b’ibihugu byose byo muri Afurika, bose biga ku ngamba zarushwaho gufatwa mu rwego rwo kurwanya icyorezo cya Sida.

Dr. Murangira B. Thierry, yavuze ko batigeze bahamagaza G Tuff kubera indirimbo ye imaze iminsi itavugwaho rumwe muri sosiyete iyo ndirimbo yitwa, aragitosa

March 10, 2026 by abodetidings

BK Arena ishaka kwakira igitaramo cya King James
BK Arena, inyubako y’imikino ariko iberamo n’ibitaramo bikomeye mu Rwanda, yifuje ko King James yayikoreramo igitaramo afite mu mpeshyi y’uyu mwaka.
Ni icyifuzo ubuyobozi bwa BK Arena bwagaragaje binyuze ku rubuga nkoranyambaga rwa X, ubwo bwavugaga ku butumwa bwa King James buteguza iki gitaramo.

Bk Arena yahise igaragaza ko uyu muhanzi yayihitamo nk’ahantu azakorera iki gitaramo cye.

Ku wa 8 Werurwe nibwo King James yabwiye abafana ko abafitiye ubutumwa, aho yavuze ko ku wa 1 Kanama 2026 azakora igitaramo cyo kwizihiza imyaka 20 ishize ari mu muziki.

Icyakora kugeza ubu nta kindi King James arabitangazaho uretse ko yasabye abakunzi b’umuziki kuzajya gutaramana na we ari benshi kandi ko ibindi bizagenda bijya ahagaraga bakabimenya gake gake.

BK Arena yakira abasaga 10.000 bicaye neza, imenyereweho kwakira abahanzi mpuzamahanga bakomeye, itegerejwemo rurangiranwa Doja Cat uzayitaramiramo ku wa 17 Werurwe uyu mwaka. Ni mu gitaramo cya Move Afrika gitegurwa na The Global Citizen kizabera i Kigali mbere y’uko kibera muri Pretoria ku wa 20 Werurwe 2026.

Guseka cyane ntabwo ari byiza, Niba ukunda guseka cyane buri munsi ,dore byinshi bizakubaho

March 7, 2026 by abodetidings

Guseka bikoresha imikaya myinshi irenga 15

Muri iki gikorwa imikaya irenga 15 iba iri ku kazi
Iki gikorwa twavuga ko gitangaje, ni kimwe mu mvamutima zandura, kuko iyo ubonye umuntu aseka nawe uraseka kandi utazi neza impamvu uri guseka. Yaba roho ndetse n’umubiri byose muri iki gikorwa biba biri kumwe kandi bihanahana amakuru.

Guseka birandura ukaba waseka utaramenya igisetsa uwundi.

Akenshi iyo ubonye umuntu aseka nawe uraseka nubwo waba utazi ikiri kumusetsa.

Wari uziko guseka ari umuti ukomeye w’umutima?

Ubushakashatsi bwakozwe bugaragaza ko bigabanya ububyimbirwe bw’imijyana y’amaraso, bikagabanya urugero rw’imisemburo itera stress ndetse bikongera n’igipimo cya cholesterol nziza.

Ibyiza uboneramo bishobora no kumara amasaha 24 ariyo mpamvu ugomba guseka buri munsi, kuko bituma wumva ugize akanyamuneza ndetse ukanibagirwa ibibazo bindi.

Akamaro ko guseka k’umubiri.

1.Byongera imikorere myiza y’umutima

Nkuko sport ari ingenzi ku buzima niko guseka ari ingenzi ku mutima. Niba udashobora gukora sport bitewe n’uburwayi cg ibindi bibazo, kwisekera bizagufasha kwirinda indwara z’umutima.

Bituma umutima utera neza amaraso akagera mu bice bitandukanye ndetse ugakoresha n’ingufu nyinshi (calories) ku isaha, nk’izo wakoresha mu gihe waba uri gukora sport yo kugenda n’amaguru.

2.Bigabanya urugero rw’imisemburo itera stress

Guseka bigarura byihuse imikorere myiza y’umubiri, kuko bituma hasohorwa imisemburo ya endorphins. Iyi misemburo itera kwishima, ituma wumva ugize akanyamuneza ndetse ukumva utuje neza kandi uruhutse, bityo ntiwumve n’ububabare. Ibi kandi ushobora kubibona binyuze mu kumva umuziki.

Mu gihe urugero rw’imisemburo ya stress rwagabanutse, bigabanya kumva udatuje ndetse n’ibindi bibazo stress itera, harimo no kugabanuka k’ubudahangarwa.
Bigabanya umuvuduko ukabije w’amaraso

Ubushakashatsi bwakozwe bwagaragaje ko abantu baseka cyane mu buzima bwabo aribo bagira ibyago bike byo kwibasirwa n’indwara z’umuvuduko ukabije w’amaraso. Kwisekera bigabanya ibyago byo kwibasirwa n’indwara ya stroke no guhagarara k’umutima.

3.Byongera ubushobozi bwo guhanga udushya

Guseka bigira akamaro keza gatandukanye mu mubiri; kugabanuka kw’imisemburo itera stress, kwiyongera kw’imisemburo ya endorphine n’umwuka uhagije uba ugera ku bwonko byose bifatanyiriza hamwe mu kongera ubushobozi bwo guhanga udushya. Mu gihe ubwonko bukora neza ku rwego rwo hejuru, ubushobozi bwo gutekereza buriyongera kuko buba bukoresha igice kinini kurusha ubusanzwe.

4.Bikuraho ikitwa uburakari cyose

Guseka byirukana ikitwa uburakari n’amakimbirane cyose. Bifasha kumva ko ibibazo bidakomeye, ndetse bikagufasha gukomeza kubaho utibuka ibintu bibi cg utekereza ku bintu bibi gusa.

Bituma ukomeza kugira ubuzima buzira umuze. Byongera ikorwa ry’uturemangingo turinda umubiri, bityo bikagufasha guhangana n’indwara cg ibindi byibasira umubiri. Uturemangingo tuzwi nka T-cells, ubu ni ubwoko bw’uturemangingo tw’amaraso tw’umweru tuzwi nk’abasirikare b’umubiri, ubushakashatsi bwakozwe bwerekana ko tuba ari twinshi cyane mu bantu bakunda guseka cyane.

Aimée Beauté Mushashi, wamamaye ku bitangazamakuru bitandukanye bikomeye mu Rwanda, asoma amakuru kuri televiziyo yasezeranye imbere y’amategeko n’umusore witwa, Nyamwasa Francis, bitegura kurushinga.

March 6, 2026 by abodetidings

ikiganiro cya mbere cya Anita Pendo na DJ Bissosso kigiye gutambuka

Nyuma y’igihe bitangajwe ko bitegura kongera gusubukura ikiganiro ’Friday Airline’ bahuriyemo, Anita Pendo na DJ Bissosso bamaze guteguza abakunzi babo icya mbere gitambuka kuri BTN TV mu ijoro ryo ku wa 6 Werurwe 2026.

Mu Ukwakira 2025 ni bwo byatangiye kuvugwa ko Anita Pendo na DJ Bissosso bari basanzwe bamenyerewe mu biganiro bitandukanye bakoranaga kuri Televiziyo y’u Rwanda birimo icyitwa ‘Friday Flight’ cyakunzwe bikomeye n’abatari bake baba bagiye kongera gukorana.

Icyakora nk’uko itangazamakury rya bihamirijwe n’Umuyobozi wa BTN TV, Ahmed Pacifique, ntabwo byahise biba kuko hari ibyo bari bagishyira ku murongo.

Yemeje ko guhera kuri uyu wa 6 Werurwe 2026 buri wa Gatanu w’icyumweru abantu bazatangira kujya babona ikiganiro cyabo.

Ati “Urebye habayemo utuntu twari tugishyira ku murongo ariko ubu noneho navuga ko byose byarangiye. Ikiganiro cya mbere kiraza gutambuka kuri uyu wa 6 Werurwe 2026 kandi nizeye ko bizagenda neza.”

Ku rundi ruhande iki kiganiro ntabwo kizakuraho icyo Anita Pendo asanzwe akora kuri Kiss FM, dore ko icyo kuri BTN TV azajya agikora buri wa Gatanu w’icyumweru gusa na bwo mu masaha atandukanye n’ayo akora kuri radiyo.

Uretse gukorana ikiganiro na Anita Pendo, DJ Bissosso asanzwe ari umuhanga mu bijyanye no kuvanga imiziki, imirimo ahuje na Anita usanzwe anayobora ibirori mu bitaramo bikomeye. Bombi basezeye kuri RBA mu 2024.

ICYIVUGO ni igisigo cyangwa umuvugo uba ugamije kwirata ubutwari, ibigwi, cyangwa ibikorwa by’indashyikirwa byakozwe n’uwukivuga ubwe.

March 3, 2026 by abodetidings

Nkuba yibereye aho agatura mu ijuru, Gikeri akaba mu nsi. Gikeri yagenda akagenda asimbuka. Nkuba akibera hejuru agakubita hirya no hino. Umunsi umwe aza gukubita ajya hasi, asanga Gikeri yarubatse, arasakara, afite urugo rukomeye.

Nkuba abaza Gikeri ati “Ese Gikeri, ko wubatse utya, wowe usakaza iki, ubwatsi ubukura he? Ubutemesha iki ?” Gikeri ati “Mfite umuhoro wanjye ngomba gusakara inzu yanjye simvirwe.” Nkuba ati “Nanjye rero ndi umukene, untize uwo muhoro wawe nitemere ubwatsi njyane ku ijuru, njye kwisakarira inzu. Umugore n’abana ntibagira aho bicara.”

Cyakora Gikeri abyumva vuba, abaza Nkuba ati “Ese Nkuba ndaguha umuhoro wanjye nzawushyikirizwe n’iki, ko ureba ntagira amaguru?” Nkuba ati “Nzawuzana vuba.” Gikeri ahereza Nkuba umuhoro, aragenda atema ubwatsi. Ariko ubwo Nkuba yatemaga ubwatsi, Gikeri yaribwiraga ati “Ndabizi, Nkuba ni umuntu ugira amahane, kandi ntazongera kugera ino ubwo ashyikiriye umuhoro wanjye.”

Gikeri aranyaruka yigira mu kiba cy’ubwatsi. Nkuba akubita ubwatsi abugeza mu ijuru, abutura ku kibero cy’inzu iwe. Umugore ati “Ese noneho ubu bwatsi ubukuye he?” Undi ati “Wa mugore we ceceka, ibintu mbonye ntibigira uko bisa. Nahuye n’umugabo Gikeri ampereza uyu muhoro, ariko nzarebe aka Gikeri na Nkuba. Ntabwo rwose uyu muhoro nzawumusubiza. Reka njye nitemera ubwatsi, nisakarize inzu, ntabwo Gikeri azagera ino.” Umugore ati “Uzaba umuhemukiye cyane.” Undi ati “Reka da, ntabwo namuhemukira.”

Nkuba akajya aca ubwatsi, arasakara, amererwa neza. Gikeri aranyaruka yitura mu kibero cy’inzu, noneho Nkuba akibwira ngo ntabwo ibyo avuga Gikeri abyumva.

Gikeri yibera ahongaho, iminsi munani basezeranye igeze, Gikeri aranyaruka ajya mu irembo kwa Nkuba. Arakorora. Ati “Yemwe abo kwa Nkuba?” Nkuba ati “Yee! Nimwumve abo bantu, sinzi umpamagaye.” Gikeri arakorora, ati “Erega ni jye Gikeri. Umuhoro wanjye warawutindanye, none nari nje kuwureba.” Undi ati “Koko iminsi ibaye miremire. Ariko utahe usubire imuhira, nanone iminsi ni umunani, uwa cyenda, nkakuzanira umuhoro wawe.”

Gikeri yisubirira mu kibero cy’inzu. Nkuba yibera aho. Atarisha ibitoki birashya, barenga. Inzoga imaze gushya, abwira umugaragu we ati “Genda ujye guca ibihunda, uzane n’urutete utekere inzoga tugende, nshyire Gikeri umuhoro we ataziyahura.” Ubwo Gikeri aramwumva.

Umugaragu aragenda azana ibihunda n’urutete araza atekera inzoga. Uko atekera Gikeri yiterera muri rwa rutete. Noneho umugaragu arikorera, Nkuba arakubita, umugaragu na shebuja bitura ku isi. Umugaragu aragenda atura inzoga mu nzu. Gikeri ava muri rwa rutete ajya ku buriri. Umugaragu asubira ku irembo asanga shebuja.

Shebuja ati “Ese wahamagaye?” Umugaragu ati “Nahamagaye databuja, ariko nta muntu wanyitabye.” Ngo agere ku irembo arongera arahamagara ati “Yemwe kwa Gikeri?” Gikeri ati “Yee! Arakorora. Nta muntu umpamagaye?” Bati “Arahamagaye. Ni Nkuba waje kugutarurira umuhoro.”

Gikeri abyuka vuba vuba, ati “Ni uko, ni uko. Ibitotsi ni umwana w’undi ga ! Nari nsinziriye.” Aherako arabyuka, ajya mu kirambi. Arakorora, ati “Mbega mwanzaniye inzoga ?” Bati “Twakuzaniye inzoga y’ishimwe kandi twakuzaniye n’umuhoro wawe.”

Banywa inzoga. Barangije bamubwira imisango yayo. Birangiye Nkuba n’umugaragu we bisubirira mu ijuru, Gikeri asigara iwe n’umuhoro we.

sobanukirwa neza, kandi umenye neza kuko, Hatagize igikorwa natwe abantu turarimbuka.

March 2, 2026 by abodetidings

imigani migufi itangaje kandi isekeje kurusha indi yose uzi.
Imigani migufi ariyo bakunze kwita imigani ‘’imigani y’imigenurano’’ ni bumwe mu buvanganzo bw’umuco nyarwanda. Nubwo ivugitse muburyo bunyarutse ariko irusha Ibindi byose kuranga umuco w’abanyarwanda aho usanga abantu bayifashisha mu kumenya uburezi n’uburere,imibanire,kugira inama abandi ndetse no kubakosora bababurira.

Nubwo iyo migani ivuga umuco nyarwanda ariko hari iyo usanga ivuga kubintu biteye isoni kuburyo ndetse n’abantu badakunze kuba bayisanzuramo ngo bayikoreshe kubera uko ivugitse,aha turahabona imwe mu migani igiye itangaje wakwibaza niba koko yarahimbiwe Impamvu yo kubaka umuco cg se isebanya rishingiye ku mvugo nyandagazi. gusa ino migani irasekeje kandi iratangaje.

Babona zireresa amabya bakagira ngo zimya zose.
Barihima ba Mujyanama yasanze bamwendera umugore yica imboro.
Gishira ibyara ntigishira amazi.
Ibuguma y’umushino imira imikangara itanu.
Ifuni y’imboro iruta umujyojyo w’igituba.
Ijambo ribi rivana imboro mu gituba
Imbeba yakubise amabya ku ishyiga iti ntacyo bitwaye hazashibuka andi.
Imboro mbi ni idafite ifaranga.
Imboro mbi ni itabyara.
Imboro nyamuniga iruta imboro rurizo.
Imishishi y’imishino ntishira inogonora.
Inyamibwa y’imboro ni ishyutwe.
Inzigo y’imboro ihozwa indi.
Iyo agashungo gashize, agashino kayora ivu.
Iyo nyokobukwe akunze ukurura ihururu.
Iyo urugo rwarazwe imishino, umwana w’umukobwa avukana itanu.
Nta gufwa ry’umusundi rirenzwa urugo.
Nta mboro mbi yambaye ifaranga.
Nta muteja w’imboro.
Nta mwinjira ugira ijambo.
Nta nkumi yigaya ikibero (itako, ubuto), n’irwaye igisebe ica inzaratsi.
Ntawanga umuruho ashyukwa.
Ntawe ubura ishyano ashyukwa
Nyirambigirambizi yiciye ururasago ku gituba rwanga kuva ati: turaturanye n’ejo nzongera.
So aguha umugore ntamukwendera.
Tega amatini ngo urabona amatuba
Kabutindi itera umugore kwikuruza.
Kamenyero yenze nyina.
Kitirirwa umwana kagatera nyina ibondo.
Kwa nyokorome uherekwa na nyoko.
Mujinya wa Nyamwijinya yasanze umugore we yasambanye aragaca
Ubugore si amabere n’ihene irayagira.
Ubunwa bwagusomeye umugabo burakwongorera ntiwumve.
Ubusabusa bw’umusundi buvura imboro umusonga.
Ubushiki ni uburibwa.
Ubwiza bw’umukobwa ntibwamubujije kuruha.
Ubyaye nabi aramutswa (atukwa) n’abakwe.
Ubyinana na mucyeba ntahumbya.
Ucyenze rimwe ntaba akimaze.
Ufinura itari iye ageza ku mukondo.seka 2
Ugucumise ingufi ntaba akwimye indende
Ugusuriye ntumusurire akwita ikibura nnyo.
Uhenera umukunzi ntamuhisha innyo
Uko umugabo aguye si ko amabya ameneka.
Ukora icyo azi yendwa ahetse
Ukurushije umugore akurusha urugo.
Umubyeyi gito aremaza umwana igituba.
Umugore bamukubitiye gusambana ati: nasekwa nutarakimeze.
Umugore mwiza asegura inkokora inkoko zikarinda zibika.
Umugore ntajya kurarika, iyo araritse abuza n’uwari kuza.
Umugore yaryamanye n’ikiremba ati nambariye ubusa
Umuhungu w’icyiremba yarongoye umukobwa urwaye intinyi ati unyorosoye nabyukaga.
Ngirango wabashije kugenda ubona iyo migani , gusa nkuko twabonye ko Umugani ufite umumaro munini mu muco nyarwanda nko gukosora ,kugira inama abandi , kwigisha , n’ibindi nta mpamvu nimwe wagatewe isoni no kuvuga ikinu kandi kiri mumuco nyarwanda.

Uramutse uzi indi migani iteye nkiyi ntuzaterwe isoni no kwandira urubuga rwacu kugirango nawe utange umusanzu mu kubaka umuco nyarwanda

Umutwa, Winnie Kalisa, ni Umukobwa wabonye amahoro, ibyishimo n’umuti mu ibumba, kubera ku bumba inkono.

March 2, 2026 by abodetidings

Muri Covid naricaye, ibintu byose isi yose ifunze, ntumiza imashini ndicara ndatangira ndakora…ni uko natangiye, amezi atatu yagiye gushira mfite stock y’ibikoresho. Byaje kurangira ntangiye Laini Studio.

Ubu ndibona mu myaka 10 ndimo gukora ibi kuko ni amahoro, ndakora ibintu nkunze kandi bikangabanyiriza stress, mbese ni umuti wavuyemo akazi!

Ababona ubumba bavuga iki?
Inshuti zanjye za hafi zizi ko ikintu cyose gikoreshwa intoki ari cyo kinshimisha, ariko hari abandi bavuga bati ‘uri mutoya, wize ‘finance’, wakoze muri ‘fashion industry’, nta hantu ibi bintu bihuriye’.

Cyereka iyo bicaye tukaganira niho bagenda bumva uko ahahise hanjye hose haza hagahura n’ibi bintu.

Hano hari umuziki utuje, ni ukubera iki?
Hano, guhera k’umuziki wumva, kugera kuri buji ducana, kugera ku ndabyo, ni ahantu uza ukicara ukumva uri mu rugo. Icara uruhuke nurangiza utubwire icyo twagufasha.
Winnie yifuza ko Abanyarwanda bamenya agaciro k’ibikoresho nk’ibi bikoze mu ibumba
Kubumba bizwi cyane ku Batwa, ubwo ntuje kubatwara isoko?
Hoya, ahubwo nanjye ndimo ndiga umwuga, abenshi turakorana.

Hari ababyeyi [nkorana nabo], nk’iyo mfite komande nini nshaka gukorana n’abandi bahanzi.

Ni iki kikuvuna muri uyu mwuga?
Ikintu kimwe tukirimo gukoraho ni ukugerageza kumvisha abantu agaciro kabyo.

Abantu benshi babifata gutyo kugeza no kugikoresho cya nyuma, bati ‘ikintu cyabumbwe mu bitaka, ntabwo gikwiye kugura ayo mafaranga’ rero guha agaciro ibintu bikozwe n’amaboko, akumva yuko atabigereranya n’ibintu bivuye i Dubai,

Ikintu kimvuna guhera natangira ibi ni ukugerageza kwigisha abantu {guha agaciro ibyo dukora}, niyo mpamvu dutanga amahirwe ku badusura yo kuberaka no kubigisha {ababyifuza} uko bikorwa kugira ngo babishime, babone aho bituruka babone inzira bicamo kugira ngo bibagereho nk’abakiliya.